Um okkur

geoSilica Iceland var stofnað árið 2012 af Fidu Abu Libdeh og Burkna Pálssyni, ásamt Ögnum ehf., út frá lokaverkefnum Fidu og Burkna í orku- og umhverfistæknifræði við Háskóla Íslands. Í lok árs 2014 kom á markað fyrsta varan frá geoSilica en það er hágæða 100% náttúrulegt íslenskt kísilsteinefni í vökvaformi, tilbúið til inntöku.

Haustið 2012 fékk geoSilica Verkefnastyrk Tækniþróunarstjóðs, til að hefja vinnu við rannsóknir og þróun á sinni fyrstu vöru. Sama ár hófst starfsemi við Hellisheiðarvirkjun til að nýta affalsvatn virkjunarinnar, þessa áður ónýttu auðlind sem uppfull er af steinefnum. Sú starfsemi hefur farið fram í samstarfi við Orkuveitu Reykjavíkur, sem stutt hefur vel við bakið á verkefninu og sýnt því mikinn áhuga.

geoSilica hefur þróað tveggja þrepa framleiðsluaðferð á kísilsteinefni sínu. Í fyrra skrefinu er styrkur kísils í skiljuvatninu aukinn margtugfalt án þess að breyta efnasamsetningu þess að öðru leyti. Í seinna skrefinu er skiljuvatninu smám saman skipt út fyrir hreint grunnvatn af svæðinu þannig að lokaafurðin er mjög smásær kísill í hreinu grunnvatni.