Fida Abu Libdeh tók þátt í panelumræðum um jafnt aðgengi
Fida Abu Libdeh, stofnandi og framkvæmdastjóri GeoSilica, tók þátt í panelumræðum á viðburðinum Jafnt aðgengi / Equal Access, sem haldinn var í Bókasafni Kópavogs þann 30. apríl.
Viðburðurinn var haldinn á vegum W.O.M.E.N. in Iceland – Samtaka kvenna af erlendum uppruna á Íslandi og lagði áherslu á þátttöku, jafnrétti og aðgengi kvenna af erlendum uppruna að tækifærum í íslensku samfélagi.
Á viðburðinum skapaðist vettvangur fyrir opnar og mikilvægar umræður um þær áskoranir og þau tækifæri sem konur af erlendum uppruna mæta á Íslandi, meðal annars þegar kemur að þátttöku í atvinnulífi og samfélaginu almennt.
Fida hefur sjálf byggt GeoSilica upp frá hugmynd að íslensku nýsköpunarfyrirtæki og var því sérstaklega ánægjulegt að fá tækifæri til að taka þátt í samtalinu og deila sinni reynslu.
Við hjá GeoSilica þökkum W.O.M.E.N. in Iceland fyrir mikilvægan og vel heppnaðan viðburð og fyrir að skapa vettvang fyrir samtal sem skiptir máli.